L’aragonés puya 23 puestos en o barometro d’o menisterio de cultura franzés

Seguntes o ranking que publica zinquenalmén o Ministerio de Cultura de Francia, l'aragonés ha ganau 23 posizions, ocupando ara o puesto 68 d'un total de 634. Entre as luengas españolas, o catalán ye en a posizión 12, o gallego en a 37 y o basco en a 38. Aquí sigue a informazión en aragonés, claro.

LENGUASDEARAGON

Zinquenalmén o Menisterio franzés de cultura publica un barometro d’as lenguas d’o mundo, feito por o soziolingüista Louis-Jean Calvet, partindo de 13 items, entre os que se troban a dichitalización, o numero de fabladors, etc.

En a primera vegada que se fazió, 2012, s’estudioron 563 luengas entre as que no se i trobaba l’aragonés. En 2017, se triballó sobre 634 luengas ocupando l’aragonés o puesto 91, con una puntuazión de 3,493. En o barometro que se remata de publicar (2022) l’aragonés puya a o puesto 68, con 4,628 puntos.

As zinco primeras luengas son l'anglés (10,870 pts), o franzés (9,351 pts.), o español (8,924 pts.), l'alemán (8,435 pts.) y o ruso (7,439 pts.).

As demás luengas de España se fican en os puestos 12 (catalán, 6,729 pts.), 37 (gallego, 5,538), 38 (vasco, 5,528 pts.) y 50 asturiano (5,239 pts.), ocupando o castellano o puesto 3 con 8,924 puntos.

A informazión completa puede trobar-se dende aquí mesmo.

LDA / JACATIMES